Një aksident është regjistruar mbrëmjen e sotme në aksin Milot-Mamurras ku janë përfshirë 4 automjete. Sipas news 24, 2 prej automjeteve të përfshira dyshohet të jenë të eskortës së ish-kryeministrit Sali Berisha.
Nga informacionet paraprake, nuk ka qenë në makinat e aksidentuar ish-kryeministri Berisha. Pasditen e sotme ish-kryeministri Berisha ka mbajtur “Foltoren” e radhës në Kurbin. Pas përfundimit të foltores në Kurbin, gjatë kthimit në kryeqytet dy nga mjetet e eskortës janë përfshirë në aksident në afërsi të Fushe-Mamurrasit.
