Një aksident i rëndë me pasojë vdekjen e një 21 vjeçari është regjistruar në aksin rrugor Milot-Morinë. Sipas policisë, në aksin rrugor Milot-Morinë, automjeti tip “Volkswagen” me të cilin udhëtonin 2 persona është përplasur me barrierën anësore të rrugës.
Për shkak të dëmtimeve nga aksidenti, drejtuesi i automjetit, 21-vjeçari, A. Sh., banues në Shkodër, ka humbur jetën, ndërsa pasagjeri është dërguar në spital, ku po merr ndihmë të specializuar mjekësore.
Njoftimi i policisë
Rreth orës 05:00, në aksin rrugor Milot-Morinë, automjeti tip “Volkswagen” me të cilin udhëtonin 2 shtetas është përplasur me barrierën anësore të rrugës.
Për shkak të dëmtimeve nga aksidenti, drejtuesi i automjetit, shtetasi A. Sh., 21 vjeç, banues në Shkodër, ka humbur jetën, ndërsa pasagjeri, shtetasi K. A., është dërguar në spital, ku po merr ndihmë mjekësore.
