Një tjetër aksident është regjistruar mëngjesin e sotëm në rrugët e vendit. Sipas policisë në Derven të Krujës një 57-vjeçar, punonjës policie, është përplasur me një mjet tjetër.
Si pasojë e përplasjes efektivi ka mbetur i lënduar dhe është transportuar në spitalin e Traumës në Tiranë, ku ndodhet nën kujdes mjekësor, jashtë rrezikut për jetën.
“Më datë 28.11.2021, rreth orës 06:10, në Derven Krujë, një mjet me drejtues shtetasin N. H., 57 vjeç, punonjës policie në Komisariatin e Policisë Krujë, është përplasur me një mjet tjetër me drejtues shtetasin M. B, 30 vjeç. Shtetasi N. H, ndodhet nën kujdesin e mjekëve në Spitalin e Traumës Tiranë, jashtë rrezikut për jetën. Grupi hetimor nën drejtimin e Prokurorisë, po punon për sqarimin e rrethanave të ngjarjes.
Mesnatën e djeshme një tjetër aksident është regjistruar në rrugën e Rinsit, ku një ambulancë u përplas më një mjet dhe si pasojë ndërroi jetën në vendngjarje pacientja 42-vjeçare dhe u plagosën tre të tjerë, një nga të cilët, infermieri që e shoqëronte./Opinion.al
