Një punonjëse e policisë rrugore është plagosur si pasojë e një aksidenti autobolistik të ndodhur në aksin rrugor Korçë-Devoll, ku janë përfshirë dy automjete dhe makina e policisë. Sipas njoftimit zyrtar të bërë të njohur nga vetë shërbimet policore, përplasja ka ndodhur në afërsi të fshatit Plasë, kur mjeti tip “Volkswagen” me targa KO 045 6B u përplas me mjetin tip “BMW” me targa të huaja HBA 3137, duke përfshirë edhe makinë e policisë që ndodhej e pozicionuar jashtë rrugës.
Njoftimi i policisë
“Më datë 18.07.2018, jemi njoftuar se në aksin rrugor Korçë-Devoll, në afërsi të fshatit Plasë, janë përplasur mjetet tip “Volkswagen” me targa KO0456B me mjetin tip “BMW” me targa të huaja HBA3137,” shkruan policia.
Nga përplasja e tyre, është përfshirë në aksident edhe një mjet i Policisë Rrugore i cili ishte i pozicionuar jashtë rrugës. Për pasojë është plagosur lehtë drejtuesi i mjetit tip “Volksëagen”, si edhe ka marrë dëmtime të lehta një punonjëse e Policisë Rrugore, të cilët po marrin ndihmë mjekësore në Spitalin e Korçës, jashtë rrezikut për jetën.
Dyshohet paraprakisht se shkak i aksidentit të ketë qenë shkelja e rregullave të qarkullimit nga ana e drejtuesit të mjetit tip “Volkswagen”. Grupi hetimor po punon për sqarimin e rrethanave dhe shkakut të aksidentit.
Shenim: Foto ilustruese
