Një fëmijë 12-vjeçar është përplasur nga një makinë në aksin nacional Korçë-Pogradec, në urën e Bulgarecit.
Në momentin e aksidentit, fëmija ishte duke lëvizur me biçikletë. 12-vjeçari është transportuar në spital, ndërsa gjendja shëndetësore e tij është e rëndë.
Drejtuesi i mjetit bëhet me dije se është punonjës i policisë së rendit në Maliq.
Njoftimi i policisë
Më datë 30.04.2020, rreth orës 15:40, në aksin rrugor Korçë-Maliq, pranë fshatit Bulgarec, shtetasi D. L., duke drejtuar mjetin tip “Opel” dyshohet se është përplasur me një biçikletë që lëviste një shtetas rreth 12 vjeç, i cili aktualisht ndodhet në Spitalin e Korçës, për ndihmë mjekësore.
Drejtuesi i mjetit ndodhet në Komisariat, ku po kryen veprimet e mëtejshme procedurale. Grupi hetimor po punon për zbardhjen e rrethanave dhe përcaktimin e shkaqeve të aksidentit./ Opinion.al
