Një aksident i rëndë automobilistik ka ndodhur mëngjesin e sotëm në veri të Evias në Greqi, ku një makinë është rrëzuar nga një shkëmb dhe ka rënë rreth 40 metra poshtë.
Ngjarja ka ndodhur rreth orës 08:00, ndërsa në vendngjarje kanë shkuar forca të shumta zjarrëfikëse dhe ambulanca.
Mediat greke shkruajnë se si pasojë e aksidentit humbën jetën dy grekë, ndërsa ka mbetur i plagosur rëndë një shqiptar.
Mësohet se shqiptari, identiteti i të cilit ende nuk është bërë publik është transportuar në spitalin e Lamisë, ndërsa vijon operacioni për nxjerrjen e dy viktimave./Opinion.al
