Një aksident ka ndodhur ditën e sotme në aksin Milot-Lezhë, ku dy këmbësorë janë përplasur nga një makinë tip “Opel Astra”.
Sipas të dhënave paraprake, automjeti Opel humbi kontrollin dhe doli nga rruga për shkaqe që ende nuk dihen.
21-vjeçari me iniciale E.M. është shoqëruar nga policia për t’u pyetur lidhur me rrethanat e aksidentit.
“Rreth orës 18:00, në aksin rrugor Tiranë – Milot, në zonën e quajtur Fushë Milot, shtetasi E. M. 21 vjeç, ka humbur kontrollin mbi drejtimin e mjetit me të cilin po lëvizte duke dalë nga rruga.
Për pasojë, në momentin e daljes nga rruga, ka përplasur dy shtetase këmbësore që kanë qenë në anë të rrugës, të cilat janë dërguar në spital për ndihmën e nevojshme mjekësore.
21-vjeçari është shoqëruar në ambientet e policisë për veprime të mëtejshme procedurale hetimore”, tha policia.
Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit.
