Një kamion doli nga rruga paraditen e kësaj të shtune në vendin e quajtur “Rotondo e Levanit”, në Lushnje.
Siç raporton paraprakisht gazetarja Anila Sefa, dyshohet se bllokimi i timonit, nuk i ka dhënë mundësi drejtuesit të mjetit të manovrojë dhe për pasojë ka përfunduar në kanalin anësor të rrugës.
Fatmirësisht shoferi nuk ka pësuar lëndime, ndërsa dëmet materiale janë të konsiderueshme, pasi kamioni ishte i ngarkuar me enë kuzhine.
Në vendngjarje kanë shkuar menjëherë forcat e policisë dhe grupi hetimor i cili po punon për zbardhjen e shkaqeve të këtij aksidenti.
