Një aksident ka ndodhur mëngjesin e sotëm në Fier, ku një 31-vjeçare ka përplasur dy këmbësorë.
Uniformat blu bëjnë me dije se aksidenti ka ndodhur në vendin e quajtur “Zogu i Zi”, ku 31-vjeçarja duke drejtuar automjetin ka përplasur dy këmbësorë.
Si pasojë e aksidentit, dy shtetasit janë transportuar menjëherë drejt spitalit rajonal të Fierit ku po marrin ndihmën mjekësore.
Ndërkohë, drejtuesja e mjetit është shoqëruar në polici.
“Rreth orës 08:30, në afërsi të vendit të quajtur “Zogu i zi”, Fier, shtetasja D. M., 31 vjeçe, dukedrejtuar automjetin tip “Volkswagen”, ka përplasur dy këmbësorë, shtetasit A. G., 44 vjeç dhe M. G., 38 vjeçe, të cilët ndodhen në spital, në kujdesin e mjekëve.
Drejtuesja e mjetit është shoqëruar në Komisariat, me të cilën po kryhen veprimet procedurale”, njofton policia.
Grupi hetimor po punon për përcaktimin e shkakut të aksidentit./Opinion.al
