Një person ka mbetur i vdekur si pasojë i një aksidenti të ndodhur mbrëmjen e sotme në sektorin “Rinia”, Durrës
Mësohet se një frugon me drejtues F.L.,47 vjeç, ka përplasur një 45-vjeçar teksa ishte duke udhëtuar me biçikletë. Nga përplasja e fortë, i aksidentuari ka ndërruar jetë gjatë rrugë për në spital.
Dyshohet se shkak i aksidentit është bërë errësira në rrugë, ndërkohë policia ka shoqëruar drejtuesin e furgonit, i cili ka deklaruar se nuk e ka parë personin që udhëtonte me biçikletë pranë mjetit të tij.
Njoftimi i policisë lokale:
Me datë 30.10.2019, rreth orës 21:00, në sektorin “Rinia”, Durrës, shtetasi F.L.,47 vjeç, banues në Durrës, duke drejtuar mjetin tip Benz, ka aksidentuar shtetasin me biçikletë, A.V., 45 vjeç, banues në Durrës, i cili ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme. Në vendngjarje ndodhet grupi hetimor për të përcaktuar shkakun e aksidenti. / Opinion.al
