Një aksident i rëndë është shënuar ditën e sotme në aksin rrugor Çermë-Divjakë, rreth orës 12:50.
Bëhet me dije se shtetasi me iniciale B. L., 64-vjeç, banues në Çermë, Divjakë, duke drejtuar automjetine tij tip “Audi” është përplasur me motoçikletën me drejtues shtetasin me iniciale M. M., 31-vjeç, banues në Divjakë.
Si pasojë e përplasjes është dëmtuar 31- vjeçari, drejtues i motoçikletës i cili ndodhet në gjendje të rëndë në spitalin e Lushnjes, teksa po merr ndihmën mjekësore. Ndërkaq, është shoqëruar në Komisariat drejtuesi i automjetit, shtetasi B. L., dhe po kryhen veprimet e mëtejshme procedurale.
Grupi hetimor dhe policia ndodhen në vendngjarje dhe po punojnë për zbardhjen e rrethanave të aksidentit./Opinion.al
