Një aksident i rëndë ka ndodhur pasditen e sotme në Divjakë, ku një automjet ka përplasur për vdekje një këmbësorë rreth 90 vjeç.
Ngjarja ka ndodhur rreth orës 17:45, në fshatin Mizë të Divjakës. Sipas njoftimit të policisë, drejtuesja e automjetit, shtetasja J. K., është shoqëruar në Komisariat për veprime të mëtejshme
Njoftimi i plotë i policisë për aksidentin fatal
Divjakë/ Informacion paraprak
Rreth orës 17:45, në fshatin Mizë, Divjakë, shtetasja J. K., 39 vjeçe, duke drejtuar automjetin, është përfshirë në një aksident me këmbësorin, shtetasin S. N., rreth 90 vjeç, i cili si pasojë e përplasjes ka ndërruar jetë në spital.
Drejtuesja e automjetit, shtetasja J. K., është shoqëruar në Komisariat për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
