Një aksident i rëndë ka ndodhur pasditen e sotme në qytetin e Bulqizës, ku një automjet ka përplasur për vdekje një këmbësore.
Mësohet se ngjarja ka ndodhur rreth orës 15:50, në vendin e quajtur “Ura e Vocit”.
Sipas njoftimit të policisë, shtetasi S.H., 64 vjeç, duke drejtuar automjetin e tij, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar këmbësoren shtetasen H.M., 59 vjeçe, e cila ka ndërruar jetë.
Blutë kanë shoqëruar drejtuesin e automjetit në Komisariat.
Bulqizë/ Informacion paraprak
Rreth orës 15:50, në vendin e quajtur “Ura e Vocit”, Bulqizë, shtetasi S.H., 64 vjeç, banues në Fushë-Bulqizë, duke drejtuar automjetin e tij, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar këmbësoren, shtetasen H.M., 59 vjeçe, e cila ka ndërruar jetë.
Drejtuesi i automjetit është shoqëruar në Komisariat për veprime të mëtejshme, ndërsa grupi hetimor ndodhet në vendngjarje dhe po punon për zbardhjen e shkaqeve dhe rrethanave të aksidentit.
