Një aksident është regjistruar ditën e sotme në Berat, pranë Urës Vajgurore.
Mësohet se një motor ka goditur një turiste nga Nepali, që po kalonte nga njëra anë e rrugës në tjetrën, e shoqëruar nga disa turistë të tjerë.
Goditja ka qenë e fortë, duke shkaktuar plagë të rënda turistes dhe drejtuesit të motorit, E. Z.,20-vjeç.
Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore, janë transportuar drejt Spitalit të Traumës në Tiranë në gjendje të rëndë.
Në vendngjarje kanë shkuar forca të shumta policie, që po kryejnë kqyrjen e vendngjarjes, për të konkluduar në shkaqet e aksidentit.
