Një 40-vjeçar është përplasur nga një kamionçinë e cila është larguar nga vendngjarja.
Bëhet me dije se Arben Kanaçi, 40-vjeç, është transportuar me urgjencë drejt Spitalit Rajonal të Beratit në gjendje të rëndë, për shkak të plagëve të shumta të marra në trup dhe në kokë.
Në vendngjarje kanë mbërritur forca të shumta policie, që po kryejnë edhe kërkimin e vendit të ngjarjes, ndërkohë që disa patrulla u vunë në ndjekje të mjetit përgjatë aksit nacional Berat-Dimal.
Mjeti tip kamionçinë u kap nga patrullat e policisë në Moravë, ndërkohë që Artan Eskiu, drejtuesi i mjetit që shkaktoi aksidentin u ndalua dhe u shoqërua në polici./Opinion.al
