Një 60-vjeçar ka humbur jetën si pasojë i një aksidenti të ndodhur mbrëmjen e sotme autostradën Tiranë- Durrës, në vendin e quajtur “Marikaj”.
Policia bën me dije, se i moshuari është përplasur nga një furgon, teksa po kalonte nga njëra anë e autostradës në tjetrën.
Pas aksidentit, policia ka shoqëruar drejtuesin e furgonit, i cili do të merret në pyetje për të zbardhur të plotë dinamikën e ngjarjes.
Njoftimi i policisë
Tiranë/Informacion Paraparak
Rreth orës 17:15 në aksin rrugor Tiranë- Durrës, në vendin e quajtur “Marikaj” një këmbësor ende i paidentifikuar rret 60 vjeç ka kaluar nga njëra anë e autostradës në tjetrën dhe për pasojë është goditur për vdekje nga fugoni tip “Benz” me drejtues shtetasin F. V, i pajisur me leje drejtimi dhe çertifikatë të aftësisë profesionale.
Drejtuesi i fugonit tip “Benz” shtetasi F. V, është shoqëruar në komisariat për veprime të mëtejshme hetimore.
Policia rrugore dhe grupi hetimor ndodhen në vendngjarje, ku po vijon punën për sqarimin e rrethanave të ngjarjes si dhe identifikimin e shtetasit që ka ndërruar jetë./ Opinion.al
