Një aksident ka ndodhur mëngjesin e sotëm në autostradën Thumanë-Tiranë, ku ka mbetur i vdekur një 60-vjeçar.
Uniformat blu njoftojnë se aksidenti ka ndodhur në vendin e quajtur “Ura e Gjolës”.
Mjeti tip “Volkswagen” me drejtues 60-vjeçarin me iniciale L.F. është përplasur me mjetin tip “Audi” me drejtues qytetarin me iniciale I.P.
Për pasojë, 60-vjeçari nuk ka mundur të ju rezistojë dëmtimeve të marra dhe ka ndërruar jetë në spital.
“Më datë 04.10.2024, rreth orës 07:10, në autostradën Thumanë-Tiranë, në vendin e quajtur “Ura e Gjolës”, mjeti tip “Volkswagen” me drejtues shtetasin L. F., rreth 60 vjeç, është përplasur me mjetin tip “Audi”, me drejtues shtetasin I. P. Si pasojë e dëmtimeve të marra nga aksidenti shtetasi L. F., ka ndërruar jetë në spital”,
Grupi hetimor po punon për sqarimin e rrethanave të aksidentit.
