Një aksident automobilistik është regjistruar ditën e sotme në aksin rrugor Pogradec-Qafë Thanë, në afërsi të fshatit Piskupat.
Sipas policisë, në aksident janë përfshirë automjeti tip “Benz” me drejtues shtetasin V. A., 48 vjeç, banues në Strugë të Maqedonisë me automjetin tip “Golf”, me drejtues shtetasin D. S., 22 vjeç.
Si pasojë e aksidentit kanë mbetur të plagosur dy drejtuesit e mjeteve dhe shtetasja S. A., 46 vjeçe, banuese në Strugë të Maqedonisë, e cila ishte pasagjere në mjetin tip “Benz”.
Ndërkohë, të aksidentuarit ndodhen në Spitalin e Pogradecit, nën kujdesin e mjekëve.
Njoftimi i policisë
Më datë 22.08.2022, rreth orës 15:50, në aksin rrugor Pogradec-Qafë Thanë, në afërsi të fshatit Piskupat, janë përfshirë në një aksident rrugor automjeti tip “Benz” me drejtues shtetasin V. A., 48 vjeç, banues në Strugë, Maqedoni, me automjetin tip “Golf”, me drejtues shtetasin D. S., 22 vjeç.
Për pasojë janë dëmtuar dy drejtuesit e mjeteve dhe shtetasja S. A., 46 vjeçe, banuese në Strugë, Maqedoni, pasagjere në mjetin tip “Benz”, të cilët ndodhen në Spitalin e Pogradecit, nën kujdesin e mjekëve.
Grupi hetimor po punon për zbardhjen e rrethanave dhe përcaktimin e shkaqeve të aksidentit./Opinion.al
