Një aksident i rëndë është regjistruar mëngjesin e sotëm në aksin rrugor Milot-Morinë, ku për pasojë një person ka gjetur vdekjen dhe 2 të tjerë kanë mbetur të plagosur.
Sipas njoftimit të policisë ngjarja ka ndodhur në vendin e quajtur “Ura me harqe”, ku dy makina janë përplasur me njëra-tjetrën, për shkaqe ende të paqarta.
Bëhet me dije se viktima është identifikuar me inicialet F.O., teksa të plagosurit A.M. dhe Z.L.
Grupi hetimor dhe policia ndodhen në vendngjarje për të bërë zbardhjen e plotë të shkaqeve.
“Në aksin rrugor Milot-Morinë, në vendin e quajtur “Ura me harqe ” mjeti tip” Benz” me drejtues shtetasin Z.L., dhe pasagjer shtetasin Gj.T., është përplasur me mjetin tip “Volksëagen” me drejtues shtetasin F.O., 35 vjeç dhe pasagjere shtetasja A.M.
Për pasojë ka gjetur vdekjen drejtuesi i mjetit ” Volksëagen ” shtetasi F.O., dhe janë kanë marrë dëmtime dhe janë transportuar në spitalin e Traumës Tiranë pasagjerja A.M.,dhe drejtuesi i mjetit tip ” Benz” shtetasi Z.L. Grupi hetimor në vendngjarje punon për sqarimin e plotë të shkakut dhe rrethanave të ngjarjes”, njofton policia./Opinion.al
