Një këmbësor mbeti i plagosur mëngjesin e sotëm në aksin rrugor Korçë-Pogradec, pasi u përplas nga një automjet.
Sipas KlanNews raportohet se ngjarja ndodhi në vendin e quajtur kryqëzimi i Maliqit.
Siç shihet në këto pamje që përcjell gazetarja, i plagosuri, identiteti i të cilit momentalisht nuk dihet, ndodhet në mes të rrugës ndërsa dy persona i vijnë në ndihmë në pritje të ambulancës. Edhe automjeti që përplasi këmbësorin ndodhet në vendin e ngjarjes.
Policia ka nisur punën për zbardhjen e rrethanave të këtij aksidenti.
