Një aksident automobilistik ka ndodhur pasditen e sotme në aksin rrugor Korçë-Pogradec, pranë fshatit Zvirinë.
Uniformat blu bëjnë me dije se automjeti tip “Benz”, që drejtohej nga 27-vjeçari me inicialet O. A., banues në Korçë, ka aksidentuar 67-vjeçarin me inicialet A. Z., i cili po lëvizte me biçikletë.
Mësohet se i moshuari, banues në fshatin Pirg, Maliq, u dërgua në spitalin e Korçës dhe ndodhet nën kujdesin e mjekëve.
Sakaq, grupi hetimor po punon për sqarimin e rrethanave të aksidentit, ndërsa me drejtuesin e mjetit po kryhen veprimet e mëtejshme procedurale./Opinion.al
