Një aksident me 2 të plagosur ka ndodhur pasditen e sotme në aksin rrugor Burrel-Klos.
Uniformat blu njoftojnë se qytetari me iniciale F.S. duke drejtuar makinën tip “Fiat” është aksidentuar me makinën tip “Volkswagen” me shoferin me iniciale H.H.
Si pasojë e përplasjes së mjeteve kanë mbetur të lënduar lehtë 2 pasagjerë, të cilët po marrin ndihmë mjekësore në spitalin e Burrelit.
Dy drejtuesit e mjeteve janë shoqëruar në Komisariat për veprime të mëtejshme.
Ndërkohë grupi hetimor po punon për zbardhjen e plotë të shkaqeve të aksidentit.
