Një aksident rrugor është regjistruar në aksin rrugor Librazhd-Elbasan, në vendin e quajtur “Kthesa e panoramës”.
Policia bën me dije se një automjet është përplasur me motomjetin me drejtues shtetasin G. Zh., 51 vjeç, dhe si pasojë ky i fundit ka mbetur i plagosur.
51-vjeçari, u dërgua në spital, për ndihmë mjekësore, ndërsa me drejtuesin e automjetit K. Sh., 75 vjeç po kryhen veprimet procedurale.
“Në aksin rrugor Librazhd-Elbasan, në vendin e quajtur “Kthesa e panoramës”, automjeti me drejtues shtetasin K. Sh., 75 vjeç, është përplasur me motomjetin me drejtues shtetasin G. Zh., 51 vjeç, banues në Elbasan. Për pasojë është dëmtuar 51-vjeçari, i cili u dërgua në spital, për ndihmë mjekësore. Me shtetasin K. Sh. po kryhen veprimet procedurale. Grupi hetimor po punon për përcaktimin e rrethanave të aksidentit”,-njofton policia.
