Një aksident i rëndë është regjistruar sot në aksin rrugor Lezhë-Shkodër në afërsi të fshatit Balldre.
Policia bën me dije se dy automjete janë përplasur e njëra-tjetrën dhe si pasojë një 46-vjeçar punonjës policie jashtë shërbimit ka mbetur i vdekur.
Efektivi u transportua në spital por fatkeqësisht nuk arriti t’iu mbijetojë plagëve të marra.
“Lezhë/Informacion paraprak: Rreth orës 11:30, në aksin rrugor “Lezhë-Shkodër”, në Balldre, janë përplasur automjeti me drejtues shtetasin G. Zh., 46 vjeç, banues në Tiranë (punonjës policie, jashtë orarit të shërbimit ) dhe automjeti me drejtues shtetasin serb D. P., 30 vjeç. Si pasojë, ka marrë dëmtime të rënda fizike, shtetasi G. Zh. i cili është transportuar në spitalin rajonal të Lezhës, për të marrë ndihmë mjekësore, por ka humbur jetën. Grupi hetimor vijon veprimet në vendin e ngjarjes, për sqarimin e plotë të rrethanave të këtij aksidenti.”-njofton policia./Opinion.al
