Një 30-vjeçar nga Gramshi ka mbetur i plagosur, pasi ka humbur drejtimin e mjetit dhe është aksidentuar.
Uniformat blu bëjnë me dije se aksidenti ka ndodhur në aksin rrugor Gramsh-Moglicë, ku shtetasi D. K., 30 vjeç, banues në fshatin Nartë, Gramsh me makinën tip “Benz”, ka humbur kontrollin dhe ka dalë nga rruga.
Si pasojë e aksidentit është dëmtuar vetë drejtuesi I mjetit, i cili u transportua në spitalin e Traumës Tiranë, ku ndodhet jashtë rrezikut për jetën.
“Sot në aksin rrugor Gramsh-Moglicë, shtetasi D. K., 30 vjeç, banues në fshatin Nartë, Gramsh, duke drejtuar automjetin tip “Benz”, dyshohet se ka humbur kontrollin mbi drejtimin e automjetit dhe automjeti ka dalë nga rruga.
Për pasojë është dëmtuar vetë drejtuesi D. K., i cili u transportua në spitalin e Traumës Tiranë, ku ndodhet jashtë rrezikut për jetën”, tha policia.
Grupi hetimor po punon për përcaktimin e shkaqeve të aksidentit./Opinion.al
