Një aksident ka ndodhur pasditen e sotme në vendin e quajtur “Rrepet” në rrugën nacionale Fier-Levan.
Mësohet se automjeti ka goditur një shtetas i cili po udhëtonte me biçikletë.
Si pasojë e aksidentit, qytetari ka pësuar lëndime të lehta.
Në vendngjarje ka mbërritur menjëherë ambulanca e cila e ka transportuar drejt spitalit rajonal të Fierit ku ka marrë ndihmën e shpejtë mjekësore.
Ndërkohë policia dhe grupi hetimor po punojnë për të zbardhur shkaqet e aksidentit në fjalë.
