Një aksident ka ndodhur pasditen e sotme në aksin Elbasan-Peqin, ku dy automjete janë përplasur me njëra-tjetrën.
Nga përplasja janë lënduar tre oficerë policie të cilët po udhëtonin në një prej mjeteve. Ndërkohë grupi hetimor vijon veprimet për përcaktimin e shkaqeve të aksidentit.
Njoftimi i policisë:
Në aksin rrugor “Elbasan-Peqin”, automjeti me drejtues shtetasin A. S., është përplasur me automjetin me drejtues shtetasin B. M.(oficer policie). Si pasojë e përplasjes janë dëmtuar shtetasi B. M., dhe 2 pasagjerë që udhëtonin me të (tre të dëmtuarit oficerë policie), dhe janë jashtë rrezikut për jetën.
Grupi hetimor vijon veprimet për përcaktimin e shkaqeve të aksidentit.
