Një aksident ka ndodhur ditën e sotme në aksin Elbasan-Librazhd, ku si pasojë janë plagosur 4 pasagjerë.
Mësohet se aksidenti ka ndodhur rreth orës 17:40, ku automjeti me drejtues shtetasin K. R., 36 vjeç është përplasur me automjetin me drejtues shtetasin O. L., 33 vjeç.
Katër pasagjerët e dëmtuar, të cilët po marrin asistencë mjekësore, ndodhen në spital dhe janë jashtë rrezikut për jetën.
“Rreth orës 17:40, në aksin rrugor “Elbasan-Librazhd”, automjeti me drejtues shtetasin K. R., 36 vjeç është përplasur me automjetin me drejtues shtetasin O. L., 33 vjeç.
Si pasojë janë dëmtuar 4 pasagjerë që udhëtonin në këto dy automjete, të cilët po marrin asistencë mjekësore, në spital dhe janë jashtë rrezikut për jetën”, njofton policia.
Grupi hetimor vijon punën për përcaktimin e shkaqeve të aksidentit./Opinion.al
