Një aksident ka ndodhur mesditën e sotme në aksin rrugor Cërrik-Gramsh, ku për pasojë kanë mbetur të plagosur 3 shtetas.
Uniformat blu bëjnë me dije se aksidenti ka ndodhur rreth orës 14:00, në fshatin Kaçivel, ku automjeti me drejtues shtetasin S. B., 35 vjeç, banues në Gramsh, është përplasur me automjetin me drejtuese shtetasen K. M., 25 vjeçe, banuese në Gramsh.
Si pasojë e aksidentit janë dëmtuar dy pasagjerët në automjetin me drejtues shtetasin S. B. si dhe një pasagjere në automjetin me drejtuese shtetasen K. M., të cilët ndodhen jashtë rrezikut për jetën.
“Rreth orës 14:00, në aksin rrugor Cërrik-Gramsh, në fshatin Kaçivel, automjeti me drejtues shtetasin S. B., 35 vjeç, banues në Gramsh, është përplasur me automjetin me drejtuese shtetasen K. M., 25 vjeçe, banuese në Gramsh.
Si pasojë e aksidentit janë dëmtuar shtetasi S. B. dhe shtetasi D. K. (pasagjer në automjetin me drejtues shtetasin S. B.), si dhe shtetasja B. M. (pasagjere në automjetin me drejtuese shtetasen K. M.), të cilët ndodhen në kujdesin e mjekëve, jashtë rrezikut për jetën”, tha policia.
Grupi hetimor ndodhet në vendngjarje dhe po punon për përcaktimin e shkaqeve të aksidentit./Opinion.al
