Një e moshuar ka mbetur e vdekur si pasojë e një aksidenti në Shkodër ku janë përfshirë dy automjete.
Sipas njoftimit të policisë aksidenti ka ndodhur në aksin rrugor Lezhë-Shkodër në Kryebushat ku një makine e tipit Benz me drejtues 50-vjeçarin me iniciale P.K është përplasur me një tjetër makinë të tipin Benz me drejtues 67-vjeçarin Y.B.
Si pasojë ka ndërruar jetë bashkëshortja e 67-vjeçarit, e cila ishte pasagjere në momentin e aksidentit. Ndërsa 67-vjeçari, i cili jeton në Shkodër ka mbetur i dëmtuar dhe aktualisht ndodhet nën kujdesin e mjekëve.
Njoftimi i policisë:
Më datë 21.06.2019, ora 19:05, në aksin rrugor Lezhë-Shkodër, në vendin e quajtur Kryebushat, mjeti tip Benz, me targë AA208BY, me drejtues shtetasin P. K. 50 vjeç, banues në lagjen Ndoc Mazi, Shkodër, është përplasur me mjetin tip Benz, me targë AA387KJ, me drejtues shtetasin Y. B. 67 vjeç, banues në Shkodër, ku për pasojë ka mbetur i dëmtuar dhe ndodhet nën kujdesin e mjekëve, si dhe pasagjerja bashkëshortja e tij N. B. 74 vjeçe, e cila ndërroi jetë në Spitalin Rajonal Shkodër.
