Tre persona janë plagosur të hënën në darkë për pasojë të një aksidenti të trefishtë në aksin nacional Kavajë-Durrës.
Ngjarja ka ndodhur rreth orës 20:20 minuta të mbrëmjes së sotme, ku tre makina u përplasen midis tyre. Policia sqaron se tre të plagosurit udhëtonin në njërin prej mjeteve dhe aktualisht ndodhen në spital për ndihmë mjekësore dhe ndodhen jashtë rrezikut për jetën.
Po kryhen veprimet e mëtejshme hetimore dhe procedurale për zbardhjen e shkakut dhe rrethanave të përplasjes së mjeteve.
