Një aksident i trefishtë ndodhi këtë të shtunë në afërsi të fshatit Gurishtë, në aksin rrugor Korçë-Pogradec.
Në rrethana ende të paqarta, 3 automjete janë përplasur me njëra-tjetrën. Si pasojë e përplasjes kanë mbetur të lënduar 7 persona.
Mësohet se ata janë dërguar të gjithë në spitalin e Korçës dhe sipas mjekëve janë jashtë rrezikut për jetën.
Sipas tvklan.al shkak për ngjarjen dyshohet të jetë bërë parakalimi i gabuar nga një prej automjeteve, si dhe moti i keq. Siç shihet edhe në pamjet e mëposhtme, si pasojë e përplasjes njëra prej makinave përfundoi jashtë rruge dhe ra në kanal.
Grupi hetimor ka shkuar në vendngjarje me qëllim zbardhjen e rrethanave të këtij aksidenti.
