Një aksident i trefishtë u regjistrua paraditen e sotme në aksin Elbasan-Ish-Kombinati Metalurgjik.
Mësohet se si pasojë e përplasjes, tre persona kanë mbetur të lënduar, njëri prej të cilëve në gjendje më të rëndë.
Drejtuesi i plagosur rëndë u bllokua brenda mjetit dhe u desh ndërhyrja e shërbimit zjarrfikës.
Ata u transportuan për në spitalin e Elbasanit ku po marrin ndihmën e nevojshme mjekësore.
Deri më tani dyshohet se shkak i përplasjes ka qenë parakalimi i gabuar dhe shpejtësia tej normave të lejuara.
Ndërkohë në vendin e ngjarjes ndodhet policia e cila po heton në lidhje me aksidentin.
