Një aksident i rëndë rrugor ka ndodhur mbrëmjen e djeshme në aksin Prishtinë-Ferizaj.
Dy persona mbetën të vdekur në vend, ndërsa dy të tjerë mbetën të plagosur rëndë.
Mediat kosovare raportojnë se personat që humbën jetën ishin pasagjerë në mjet, ndërsa shoferi dhe një pasagjer pësuan lëndime të rënda trupore.
Gjatë momentit të aksidentit, personat po udhëtonin me makinën tip “Pasat”, ndërkohë që nuk dihet ende shkaqet që çuan në këtë aksident të rëndë.
Komunikata e plotë:
Sot rreth orës 02:00 në rrugën Prishtinë -Ferizaj ka ndodhur një aksident trafiku me pasoja fatale. Në këtë aksident ka qenë i përfshirë një automjet i tipit “Pasat” që për shkaqe të panjohura deri tani ka humbur kontrollin dhe është vetaksidentuar. Lëndime të rënda trupore kanë marre katër persona, drejtuesi dhe tre pasagjerë. Dy nga pasagjerët nuk kanë mumdur të përballojnë plagët e shkaktuara nga aksidenti dhe në vendngjarje kanë ndërruar jetë. Vdekjen e viktimave:L.S (femer) 23 vjeç, dhe K. H ( femer ) 31 vjeç, e konstatuar ekipi mjekësor në vendgjarje, ndërsa drejtuesi i automjetit dhe një pasagjer tjetër janë dërguar në QKUK.
