Dy gra janë plagosur në një aksident rrugor që ka ndodhur të premten pasdite në Xibrakë të Elbasanit.
Në aksident u përfshinë një fuoristradë tip “Suzuki” me targa AA 224 GM dhe një makinë “Volkswagen” me targa TR6276T.
Sipas policisë është dëmtuar drejtuesja e mjetit me targa AA 224 GM, si dhe pasagjerja shtetasja B.B., 46 vjeçe, banuese në Librazhd, të cilat ndodhen në spitalin Elbasanit, jashtë rrezikut për jetën.
Ndërkohë, shoferi i makinës Volkswagen, 67-vjeçari me iniciale L.D. ka pësuar lëndime të vogla. Në vendngjarje shkoi grupi hetimor, i cili nisi punën për të zbardhur shkaqet e këtij aksidenti.
