Një aksident i rëndë ka ndodhur ditën e sotme në qytetin e Vlorës, ku një automjet ka përplasur për vdekje një 60-vjeçar.
Sipas uniformave blu mësohet se ngjarja ka ndodhur në aksin “Fier-Vlorë” pranë fshatit Novosel, ku shtetasja K. Gj., 44 vjeçe, duke drejtuar automjetin tip “Ford”, ka aksidentuar një këmbësor rreth 60-vjeç.
Si pasojë e dëmtimeve të marra i moshuari ka humbur jetën në vendngjarje.
“Sot, rreth orës 15:50, në autostradën “Fier-Vlorë”, në afërsi të fshatit Novosel, shtetasja K. Gj., 44 vjeçe, duke drejtuar automjetin tip “Ford”, ka aksidentuar një shtetas mashkull, ende të paidentifikuar, rreth 60 vjeç, këmbësor, i cili si pasojë e dëmtimeve të marra ka humbur jetën në vendngjarje”, tha policia.
Grupi hetimor ndodhet në vendngjarje dhe po kryen veprimet e mëtejshme për aksidentin./Opinion.al
