Një aksident me vdekje është regjistruar pasditen e sotme, rreth orës 17:20, në rrethrrotullimin në hyrje të autostradës “100 Vjetori” Vlorë.
Dyshohet se si pasojë e humbjes së kontrollit dhe shpejtësisë së lartë, ka dalë nga rruga dhe është përmbysur automjeti tip Ford.
Si pasojë e aksidentit janë dëmtuar dy femra, ku njëra ka humbur jetën në vend ndërsa tjetra është transportuar për ndihmë mjekësore në Spitalin e Vlorës, jashtë rrezikut për jetën.
Grupi hetimor ndodhet në vendngjarje duke kryer veprimet e mëtejshme hetimore./Opinion.al
