Aksident i rëndë në Sukth, katër të vdekur

Një aksident i rëndë ka ndodhur në autostradën Tiranë-Durrës duke shkaktuar vdekjen e katër personave.

Dy automjete janë përplasur në Sukth të Durrësit në orët e para të mëngjesit të sotëm dhe për pasojë kanë humbur jetën tre vajza dhe një djalë.

Automjeti që ka shkaktuar aksidentin ka qenë duke u drejtuar nga Dashnor Deliallisi ndërkohë që automjeti që ka qenë duke shkuar drejt Durrësit ka pasur 3 vajza.

Automjeti tip “Benz” me targa AA 979 GV me të cilin po udhëtonte Deliallisi nga Durrësi ka qenë në drejtim të Tiranës dhe automjeti tjetër ku ishin vajzat ishte me targa AA 694 IL.

Është dashur ndërhyrja e forcave zjarrfikëse për nxjerrjen e trupave të pajetë nga automjetet, pasi ato janë shkatërruar plotësisht nga përplasja e fortë.

Policia njofton se dy nga vajzat e aksidentuara janë me iniciale G.Sh 23-vjeçe nga Saranda dhe njëra nga pasagjeret I.B 33-vjeçe.

Shkak për aksidentin dyshohet se është bërë hyrja në sensin e gabuar e njërit prej automjeteve dhe shpejtësia e madhe e të dy automjeteve.