Një aksident i rëndë ka ndodhur paraditen e kësaj të enjte në aksin rrugor Borsh–Fterrë.
Sipas uniformave blu mësohet se një makinë ka dalë nga rruga dhe për pasojë një punonjës policie ka ndërruar jetë.
Ndërkohë 2 persona të tjerë janë plagosur dhe ndodhen në gjendje të rëndë shëndetësore.
“Sot, rreth orës 12:00, në aksin rrugor Borsh–Fterrë, drejtuesi i një automjeti tip “Toyota” dyshohet se ka humbur kontrollin mbi drejtimin e mjetit dhe si pasojë, ka dalë nga rruga duke përfunduar në një kanal anësor.
Në automjet udhëtonin tre shtetas, konkretisht R. X., V. Th., dhe E. M., rreth 47 vjeç (punonjës policie), ky i fundit ka ndërruar jetë në vendngjarje, si pasojë e dëmtimeve të marra.
Dy shtetasit e tjerë janë dërguar në spital, në gjendje të rëndë shëndetësore”, njofton policia.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit./Opinion.al
