Një aksident i rëndë ka ndodhur pasditen e sotme në Vorë, ku janë përplasur 2 automjete e si pasojë janë plagosur 4 persona.
“Më datë 03.06.2018 rreth orës 19:20 në rrugën e “Rinasit” në Vorë janë përplasur dy mjete ku për pasojë kanë mbetur të dëmtuar 4 shtetas”
Shtetasit E. D., rreth 23 vjeç, D. R., rreth 28 vjeçe , A. B., rreth 30 vjeç, kanë pësuar dëmtime të lehta, ndërsa shtetasia Z. B., rreth 63 vjeçe ndodhet në gjëndje më të rëndë shëndetësore. Të katërt shtetasit e dëmtuar janë transportuar në spital për ndihmë mjekësore.
Sipas një dëshmitari një prej personave duket të jetë lënduar rëndë pasi sipas tij i ishte hapur kafka. “Ky aksident ndodhi tani në Fushë Krujë-Vorë. Ka të lënduar. Trafiku ishte shumë i rënduar për shkak të aksidentit. Me sa mora vesh të gjithë që kishin qenë brenda mjeteve ishin plagosur. Por një femre i ishte hapur kafka e kokës shumë keq.” tha ai per JOQ.
Shërbimet e policisë ndodhen në vendngjarje dhe po kryejnë veprimet e mëtejshme hetimore për zbardhjen e shkakut dhe rrethanave të përplasjes së mjeteve.
