Një person ka humbur jetën dhe dy të tjerë janë plagosur në një aksident që ka ndodhur sot në Rrugën Bajram Curri-Fierzë, në Tropojë. Njëri prej të plagosurve është fëmijë 7 vjeç.
Sipas policisë, mjeti tip “BMW”, i drejtuar nga N.M., banues në Bajram-Curri, është përplasur me mjetin tip “Benz”, me drejtues 53-vjeçari F.D., banues në fshatin Dushaj.
Përplasja ka qenë fatale për personat që udhëtonin në mjetin tip Benz. Ka gjetur vdekjen, 64-vjeçari Man Dushaj, vëllai i drejtuesit të “Benz”-it.
Po kështu i plagosur ka mbetur vete drejtuesi dhe një fëmijë 7 vjeç që ishte pasagjer në mjetin Mercedes Benz.
Dy të plagosurit janë transportuar për në spitalin e Traumës Tiranë, ndërsa policia ka shoqëruar drejtuesin e “BMW”-së, për veprime të mëtejshme hetimore.
Grupi hetimor ndodhet në vendngjarje, ku po punon për zbardhjen e shkaqeve të aksidentit.
*Fotoja është ilustruese
