Një aksident është raportuar ditën e sotme në Qafë Thanë.
Nga uniformat blu mësohet se autobusi që drejtohej nga shtetasi I. A., 51 vjeç, është përplasur me automjetin tip “Benz”, që drejtohej nga shtetasi I. M., 28 vjeç.
Si pasojë e përplasjes vetura është përfshirë nga flakët.
“Rreth orës 16:20, në aksin rrugor Qafë Thanë – Prrenjas, autobusi që drejtohej nga shtetasi I. A., 51 vjeç, me drejtim lëvizjeje Pogradec – Prrenjas, është përplasur me automjetin tip “Benz”, që drejtohej nga shtetasi I. M., 28 vjeç, me drejtim lëvizjeje nga Prrenjasi në drejtim të Pogradecit”, tha policia.
Në vendngjarje ndodhen shërbimet e Policisë Rrugore të DVP Elbasan dhe grupi hetimor, i cili vijon punën për zbardhjen e rrethanave të aksidentit./Opinion.al
