Një aksident i rëndë ka ndodhur në Meksikë, ku një autobus ra nga një shkëmb duke i shkaktuar vdekjen 18 personave.
Autoritetet spanjolle bëjnë me dije se të paktën 18 persona janë vrarë dhe 33 të tjerë janë plagosur kur një autobus ra nga një shkëmb në perëndim të Meksikës.
Zyra e prokurorit në Nayarit, shteti ku ndodhi aksidenti, tha se automjeti ra rreth 15 metra nga një shkëmb të shtunën mbrëma, në një autostradë që lidh kryeqytetin shtetëror Tepic dhe destinacionin turistik të Puerto Vallarta.
“Që nga momenti i parë, ne kemi punuar në një mënyrë të koordinuar me autoritetet e ndryshme federale dhe shtetërore për t’i dhënë kujdesin e menjëhershëm viktimave,” tha zyra e prokurorit në një deklaratë të shpërndarë në Twitter.
Autoritetet raportuan se 11 gra dhe shtatë burra humbën jetën. Ndërsa të paktën 11 të mitur janë transferuar në spital për ndihmë mjekësore.
Sipas mediave spanjolle ende nuk janë bërë të ditura shkaqet e aksidentit, por policia është duke hetuar mbi zbardhjen e kësaj ngjarjeje tragjike./Opinion.al
