Një aksident i rëndë është regjistruar në aksin rrugor Lushnjë-Divjakë në vendin e quajtur “Ura e Gradishtës”.
Policia njofton se shtetasi A. S., 51 vjeç, duke drejtuar automjetin tip “Benz” është përplasur me motomjetin tip “Lifan”. Si pasojë e përplasjes kanë ndërruar jetë drejtuesi i motomjetit dhe pasagjeri në motomjet.
“Sot rreth orës 15:10, në aksin rrugor Lushnjë-Divjakë, në vendin e quajtur “Ura e Gradishtës”, shtetasi A. S., 51 vjeç, banues në Spolat, Lushnjë, duke drejtuar automjetin tip “Benz” është përplasur me motomjetin tip “Lifan””, njofton policia.
Ndërkohë është shoqëruar drejtuesi i automjetit dhe po kryhen veprimet procedurale. Grupi hetimor po punon për zbardhjen e rrethanave të ngjarjes.
