Një aksident i rëndë ka ndodhur në aksin rrugor Mirakë-Polis Vilan në Librazhd.
Një automjet ka dalë nga rruga dhe ka përfunduar në humnerë.
Mësohet se në automjetin e përfshirë në aksident po udhëtonin të paktën katër persona së bashku me drejtuesin.
Policia njofton se gjendja e personave të aksidentuar konstatohet se është jashtë rrezikut për jetën.
“Elbasan/Informacion paraprak
Në fshatin Polis Vila, automjeti me drejtues shtetasin R. B., ka dalë nga rruga.
Për pasojë janë dëmtuar 4 shtetas që udhëtonin në këtë automjet, të cilët po transportohen me ambulancë për ndihmë mjekësore dhe janë jashtë rrezikut për jetën.
Grupi hetimor vijon punën për përcaktimin e rrethanave të aksidentit”, njofton policia.
