Një aksident tragjik ndodhi këtë të premte në aksin rrugor Korçë-Pogradec pranë fshatit Çiflig. Një 15-vjeçar humbi jetën pasi makina ku udhëtonte si pasagjer doli jashtë rruge.
Siç duket, makina tip “BMW” ka dalë jashtë rruge dhe ka përfunduar në një kanal. Dëmet janë të shumta.
Sipas klan.tv, viktimë nga kjo ngjarje është R. Sherifi, ndërsa i plagosur mbeti vëllai i tij, K. Sherifi, 21 vjeç, shoferi i makinës. I plagosuri është dërguar në spital dhe ndodhet nën kujdesin e mjekëve.
Policia njoftoi se edhe 15-vjeçari u dërgua në spital, por nuk mundi t’u mbijetojë dot plagëve të rënda.
Uniformat blu thonë se dyshohet që 21-vjeçari ka humbur kontrollin e makinës dhe pas kësaj ka dalë nga rruga. Megjithatë, rrethanat dhe shkaqet e ngjarjes pritet të sqarohen plotësisht nga hetimet.
