Një aksident i rëndë automobilistik ka ndodhur rreth orës 15:30 në dalje të Kavajës. Mësohet se një motorr është përplasur me një automjet tip “Benz”, ku si pasojë ka humbur jetën menjëherë drejtuesi i motorit ndërsa gruaja e tij ndodhet në gjendje të rëndë për jetën.
Njoftimi i policisë:
– Në aksin rrugor Kavajë – Rrogozhinë, mjeti tip “Benz”, me drejtues shtetasin L.E., 46 vjeç është përplasur me mjetin tip motorr (pa targa) ku si pasojë e përplasjes, drejtuesi i mjetit tip motorr, shtetasi N.S., 64 vjeç, ka gjetur vdekjen e menjëhershme, ndërsa bashkëshortja e tij,shtetasia Sh.S., 60 vjeçe (pasagjere në mjetin tip motorr) është dëmtuar rëndë dhe është dërguar për ndihmë mjekësore në spitalin e Durrësit.
Drejtuesi i mjetit tip “Benz”, shtetasi L.E., është shoqëruar në ambientet e policisë Kavajë për veprime të mëtejshme proceduriale.
Grupi hetimor në vendngjarje po punon për përcaktimin e rrethanave dhe shkakut të aksidentit.
