Një shqiptar ka mbetur i plagosur mbrëmjen e djeshme në Kuneto, Itali pas një aksidenti të rëndë automobilistik.
Mediat italine bëjnë me dije se ai ka qenë duke udhëtuar i vetëm në makinë dhe fatmirësisht ndodhet jashtë rrezikut për jetën.
Të njëjtat burime theksojnë se në aksident nuk janë përfshirë makina të tjera. Policia ka theksuar se shqiptari, emri i të cilit nuk bëhet i ditur, rezident në Barge ka qenë duke udhëtuar me makinën e tij në kohën kur ka humbur kontrollin dhe është përmbysur në mes të rrugës.
Mësohet se ai është ndihmuar nga shërbimet e emrgjencës dhe në vendin e ngjarjes ka mbërritur edhe një ambulancë, bashkë me karabinierët dhe zjarrëfikësit.
Shqiptari është transportuar për në spitalin rajonal dhe ndodhet jashtë rrezikut për jetën edhe pse ka marrë disa plagë të rënda.
