Një aksident i rëndë ka ndodhur rreth mesnatës në Fushë-Prezë ku për pasojë kanë humbur jetën 4 të rinj.
Mësohet se viktimat janë identifikuar si shtetasit Enejdi Laçi, Erildi Laçi, Enrikejd Kurti dhe Andi Laçi.
Automjeti drejtohej nga 25-vjeçari Enejd Laçi dhe është përplasur me një betoniere, e për pasojë makina e të rinjëve ka shpërthyer në flakë.
Automjeti drejtohej nga 25-vjeçari Enejd Laçi dhe është përplasur me një betoniere, e për pasojë makina e të rinjve ka shpërthyer në flakë.
Ndërsa drejtuesi i betonieres 24-vjeçari Aleksandër Krrashi është larguar menjëherë nga vendngjarja.
“Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere.
Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç dhe dyshohet se është përplasur me automjetin betoniere të drejtuar nga shtetasi A. K., 24 vjeç, i cili pas aksidentit ishte larguar nga vendi i ngjarjes.
Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25 vjeç dhe 3 pasagjerët në mjetin e tij E. L., 20 vjeç, E. K., 24 vjeç dhe A. L., 22 vjeç.
Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24 vjeç”,-njofton policia.
Nën drejtimin e Prokurorisë vijojnë hetimet me qëllimin dokumentimin e plotë të ngjarjes.
