Një aksident i rëndë ka ndodhur rreth orës 11:00 në fshatin Bilaj të Fushë-Krujës. Nga të dhënat e para mësohet se një makinë tip “Fiat” ka dalë nga rruga dhe ka përfunduar në kanal. Për pasojë, janë plagosur rëndë drejtuesi i mjetit dhe pasagjeri.
Ende nuk dihen shkaqet e aksidentit apo edhe identiteti i personave të përfshirë në të. Forca të shumta nga policia kanë mbërritur në vendin e ngjarjes për të dokumentuar rrethanat e mundshme të ngjarjes./Opinion.al
